Наместо сајт — една реченица на бела позадина. Изгледа како сè да е изгубено, но податоците се таму: WordPress едноставно не може да се поврзе со базата. Четири причини, по честота.
1. Погрешни податоци во wp-config.php (најчесто)
Отворете го wp-config.php преку cPanel → File Manager. Таму се четирите редови: DB_NAME, DB_USER, DB_PASSWORD, DB_HOST. Споредете ги со cPanel → MySQL Databases. Најчест сценарио: некој ја сменил лозинката на базниот корисник, а wp-config.php останал стар. DB_HOST кај повеќето хостинзи (и кај нас) е localhost.
2. Оштетена база
Ако админот вели дека базата треба поправка: во wp-config.php додајте линија што го овозможува WP_ALLOW_REPAIR, па отворете vasdomen.mk/wp-admin/maint/repair.php → Repair Database. Важно: избришете ја таа линија веднаш потоа — страницата е достапна без најава!
3. Серверот е преоптоварен
Ако сајтот се врти или паѓа во шпиц, базата може да одбива нови врски. На евтин хостинг тоа е секојдневие; решение е пакет со повеќе ресурси или VPS.
4. Корисникот нема привилегии
По рачно преместување: базниот корисник не е доделен на базата. cPanel → MySQL Databases → Add User To Database → ALL PRIVILEGES.
Пред сè друго
Направете копија на базата (cPanel → phpMyAdmin → Export) пред да менувате што било. И не тестирајте „ново име на база“ на живиот сајт — прво прашајте.
Кај нас ова обично се решава со еден поглед во wp-config.php — јавете се пред да експериментирате.